Top News

ឯកឧត្តម ភឺន ផល្លា និងលោកជំទាវ សាយ សោភា បរិច្ចាគថវិកា ៤០ លានរៀល ជូនមូលនិធិគន្ធបុប្ផាកម្ពុជា ដើម្បីចូលរួមទ្រទ្រង់ការសង្គ្រោះជីវិតកុមារ

 សកម្មភាពមនុស្សធម៌ និងស្មារតីនៃការចែករំលែកក្នុងសង្គមជាតិ នៅតែបន្តផុសឡើងជាបន្តបន្ទាប់ គួរឱ្យកោតសរសើរ។ ជាក់ស្តែង ឯកឧត្តម ភឺន ផល្លា ជំនួយការផ្ទាល់របស់សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា និងលោកជំទាវ សាយ សោភា អគ្គនាយិកាសាលាអន្តរជាតិវើលដ៍កម្ពុជា បាននាំយកថវិកាចំនួន ៤០ ០០០ ០០០ រៀល មកបរិច្ចាគជូន មូលនិធិគន្ធបុប្ផាកម្ពុជា។

ថវិកាឧបត្ថម្ភដ៏មានអត្ថន័យនេះ នឹងចូលរួមចំណែកយ៉ាងសំខាន់ក្នុងការគាំទ្រដល់ដំណើរការរបស់មន្ទីរពេទ្យគន្ធបុប្ផា ដើម្បីធានាថា ទារក និងកុមារកម្ពុជាបន្តទទួលបានសេវាពិនិត្យ និងព្យាបាលដោយឥតគិតថ្លៃ គ្មានការរើសអើង និងប្រកបដោយគុណភាពខ្ពស់។
មូលនិធិគន្ធបុប្ផាកម្ពុជា សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌ និងការគិតគូរខ្ពស់របស់ ឯកឧត្តម ភឺន ផល្លា និងលោកជំទាវ សាយ សោភា ដែលបានចូលរួមចំណែកក្នុងការលើកកម្ពស់សុខុមាលភាព និងការពារសុខភាពកុមារកម្ពុជា។
ស្មារតីសប្បុរសធម៌ និងការចូលរួមចែករំលែកនេះ គឺជាកម្លាំងចលករដ៏មានតម្លៃ ក្នុងការបន្តជួយសង្គ្រោះជីវិតកុមារ និងផ្តល់ក្តីសង្ឃឹមថ្មីដល់អនាគតទំពាំងស្នងឫស្សីរបស់ប្រទេសជាតិ។

Post a Comment

Previous Post Next Post

ទំនាក់ទំនងតាមSocial Media